Soomaaliya iyo Uganda oo ka shiray ajendaha Afrika ee Golaha Ammaanka

Arrimaha laga hadlay waxaa kamid ah barnaamijyadda ay labada dal wadaagaan ee hay’adaha UNEP.

MUQDISHO, Soomaaliya - Ku simaha Safiirka dalka Uganda u fadhida dalka Kenya Danjire Eunice Kigenyi, ayaa booqatay Safiirka Soomaaliya Mudane Jabril Ibrahim Abdulle.

Wadahadalada dhexmaray labada dhinac ayaa diiradda lagu saaray arrimaha danaha u ah labada dal.

Arrimaha laga hadlay waxaa kamid ah barnaamijyadda ay labada dal wadaagaan ee hay’adaha UNEP, UN-Habitat ee fadhigooda yahay Magaalada Nairobi.

Sidoo kale, waxay kwada hadleen ajendaha qaarada Afrika ee Golaha Ammaanka ee Qaramada Midoobay.

GAROWE ONLINE