Soomaaliya oo ka aamustay qaraar taageeraya Muslimiin la xasuuqay

Shaki badan ayaa ka dhashay go’aankan oo wali aysan fahfaahin ka bixin xukuumadda Muqdisho.

MUQDISHO, Soomaaliya - Go'aanka ay Dowladda Soomaaliya uga aamustay codeyn qarsoodi ah oo Golaha Guud ee Qaramada Midoobay u qaaday qaraarka  xasuuqa ee Srebrenica ayaa shaki badan dhaliyay.

Soomaaliya, Marooko iyo Israa’iil ayaa ka mid ah 20-ka waddan ee aan codkooda dhiiban, iyadoo Qaraarka Qaramada Midoobay uu 11-ka Luulyo u aqoonsaday maalinta caalamiga ah ee sannadlaha ah si loo xuso xasuuqii Srebrenica ee sannadkii 1995-kii oo ay ciidammada Serbiyiinta Bosnia u geysteen in ka badan 8,000 oo qof oo isugu jiray wiilal iyo rag Muslimiin Bosnia ah.

Jabuuti ayaa ka mid ah 84-ka dal ee u codeeyay qaraarkan, halka 19 dal ay diideen.

Itoobiya, Kenya, Uganda iyo Suudaan ayaa ka mid ah 68 dal oo ka aamusay.

GAROWE ONLINE