Wariye xanuun ku soo booday xilli uu warbaahin Caalami ah warar ka aqrinayay

Xaalada caafimad ee wariyaha 56 jirka ah ayaa la shaaciyay inay ay haatan tahay mid degan.

London (GO) - Suxufiga caanka ah ee Rageh Oomaar ayaa xalay xanuunsaday xilli uu warar ka akhrinayay warbaahinta Ingiriiska laga leeyahay ee ITV News, isaga oo isla markii lala cararay isbitaalka.

Rageh ayaa tafaftire ka ah TVga ITV isla markaana soo saara barnaamij ay ku xiran yihiin dawadayaal badan.

Xaalada caafimad ee wariyaha 56 jirka ah ayaa la shaaciyay inay ay haatan tahay mid degan, ka dib markii la marsiiyay baaritaano guud, sida uu hadalka u dhigay Afhayeen u hadlay TV-ga ITN.

Afheyeenka ma uusan shaacin waxa keenay xanuunka kadiska ee u soo booday Rageh Oomaar.

Wariyaha ayaa lagu bartay duullaankii 2003dii uu Maraykanku ku qaaday dalka Ciraaq, isaga oo ka mid ahaa weriyeyaashii ee u bareeray soo tebinta dagaalka.

GAROWE ONLINE