Dabley nabadoon caan ah ku khaarijisay Afgooye oo lagu raad-joogo

Image

MUQDISHO, Soomaaliya - Wararka ka imaanaya gobolka Shabeelaha Hoose ayaa sheegaya in lagu dilay nabadoon caan oo si wayn looga yaqaanay gudaha degmada Afgooye.

Waxaa lagu magacaabi jiray nabadoonka la khaarijiyey Ibrahim Maxamed Ibraahim. Sidda ay sheegeen goobjoogeyaal, waxaa toogtay dabley aan wali la aqoonsan heybtooda.

Lama oga sababta loo beegsaday. Ma jirto koox illaa iyo haatan dusha saaratay mas'uuliyadda falkan, balse waxaa looga bartay malayeshiyaadka Al-Shabaab iyo Daacish.

Kooxaha dilka geystay ayaa goobta ka baxsaday, waxaana dilka nabadoonka si weyn ugu xumaaday shacabka, sidda ay baahisay idaacadda VOA-da oo soo xigatay rayidka.

Laamaha ammaanka oo si kooban uga hadlay falkan ayaa shaaca ka qaadey in ay ku raadjoogaan gacan ku dhiigleyaashii ka dambeeyay, kuwaasoo dhalinyaro ahaa.

Ibraahim ayaa la sheegayaa in uu kamid ahaa ergadii soo xulay baarlamaanka 10aad ee Soomaaliya, isla markaana uu aad ugu dhowaa maamulka degmada iyo gobolka.

Warbixinadda ayaa tibaaxaya in sidoo kale uu ku jiray odayaashii ka qeyb-qaatay soo dhaweyntii madaxweyne Farmaajo kadib socdaalkiisii dhowaan ee degmadaas lana kulmay.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM