Safiirka Mareykanka ee Shiinaha oo la shaaciyey in uu is-casilayo

Caalamka
By WARIYAHA ARRIMAHA CAALAMKA , GAROWE ONLINE
Terry Branstad

WASHINGTON, US – Danjiraha Mareykanka ee Shiinaha, Terry Branstad, ayaa xafiiska faarujin doona horaanta bisha October, sidda lagu sheegay qoraal kasoo baxay safaarada Washington iyo Qunsulyadaha ee China.

Sidda laga soo xigtay war-saxaafadeedka soo baxay Isniinta maanta ah, 73-sano jirkaan ayaa go'aankiisa u xaqiijiyey madaxweyne Donald Trump kadib wadahadalo dhanka telefoonka oo asbuucii hore dhexmaray.

Branstad, gudoomiyihii hore ee gobolka lowa, ayaa xilkaan qabtay 2017-kii, sanadkii ugu horeeyay ee madaxtinimadda Donlad Trump.

Shaqo ka tagistiisa ayaa kusoo hagaageysa xilli cilaaqaadka u dhaxeeya Beijing iyo Washington uu muddooyinkii dambe ahaa mid sii xumaanayey.

Mike Pompeo, xoghayaha arrimaha dibadda Mareykanka oo fariin soo dhigay bartiisa Twitter-ka, ayaa si weyn ugu mahadnaqay Branstad.

Afhayeen u hadlay Wasaaradda Arrimaha Dibadda Shiinaha ayaa sheegay in ay kaliya arkeen fariimaha Twitter-ka, balse aan lagu soo wargelin.

"Kaliya waxaanu ka war-helnay fariimaha lagu baahiyey Twitter-ka, mana helin wargelin la xiriirta in Terry Branstad uu is-casilayo," ayuu Wang Wenbin ku sheegay shir jaraa'id oo uu kaga jawaabay warbixinadaan.

Mareykanka iyo Shiinaha oo safka hore kaga jira dhaqaalaha iyo horumarka caalamka ayaa ku loolaya cidda liijaanka u qabaneysa casriyeynta dunida, iyaddoo mid walba uu u han-qal0-taagayo in uu isaga helo labinta.

GAROWE ONLINE

Wararkii ugu dambeeyey