Madaxweyne Deni oo la kulmay ururka MAP iyo guddiga maamulayaasha Warbaahinta
-
GAROWE ONLINE
- Posted On 14-02-2019, 12:44AM
GAROWE, Puntland - Gudoomiyaha ururka warbaahinta Puntland ee MAP Maxamed Daahir Caynsane iyo Guddiga Maamulayaasha warbaahinta Madaxa banaan ayaa caawa la kulmay Madaxweynaha cusub ee Puntland Siciid Cabdulaahi Deni.
MAP ayaa u gudbisay Madaxweynaha qodobo dhowr ah oo ka soo baxay warbaahinta Puntland:-
1- Muhiimadda ay leedahay dhaqan gelinta xaqa helida xogta (Access to information).
2- Xoojinta xiriirka warbaahinta iyo dowladda.
3- Badqabka suxufiyiinta Puntland iyo baahida loo qabo in mas’uuliyadd ay dowladdu iska saarto dabagalka iyo baaritaanka kiisaska wariyaasha la xiriira.
Kulankaan ayaa ku soo dhamaadey Jawi is- afgarsho iyadoo Madaxweyne Dani xoojiyey muhuumada saxaafada Xorta ah u leedahay hurumarka Puntland.
GAROWE ONLINE
