Puntland oo xukuntay shaqsiyaad lagu eedeeyay argagixisanimo

Image
Image
Image
Image

BOOSAASO, Puntland – Maxkamadda Ciidamadda Puntland ee gobolada Bari, Karkaar, Sanaag, Haylaan iyo Gardafuu ayaa Sabtida maanta ah waxay xukuno isugu jira dil toogasho iyo xabsi ay ku riday shan eedeysane.

Shaqsiyaadkan kasoo kala jeeda Koonfur Galbeed iyo Jubaland ayaa lagu soo eedeeyay in ay la shaqeynayeen kooxaha argagixisada ah.

Dacwad-oogeyaasha ayaa u sheegay xeer-beegtada in shaqsiyaadkan ay guriyahooda uga soo tageen "in ay laayaan shacabka Puntland, una socdeen in ay howlgao kasoo fuliyaan magaaladda Gaalkacyo".

Maxamuud Maxamed Saciid loo garan og-yahay Kabtan Boorash, oo 36-jir ah, ayaa lagu xukumay dil toogasho markii lagu helay dambiga.

Xasan Moosow Cali [Ibraahim], 17-sano jir, Cabdikariin Cali Maxamed [Cabdishakuur], 18-jir iyo Xuseen Cabduqaadir Maxamed [Shaafici], 16-jir, ayaa midkiiba waxaa lagu xukumay min 20 sano oo xarig ah.

Cabdiqafaar Saciid Yuusuf Aadan [Xasan Yare], oo 22 jir ah kuna dhashay magaaladda Kismaayo, ayaa lagu xukumay 15-sano oo xabsi ah.

Ibraahim Bile Maxamuud, gudoomiyaha Maxkamada ciidamada shanta gobol oo xukunka kaga dhawaaqay Boosaaso, ayaa xusay in xukumaneyaasha ay haystaan muddo 30 casho ah oo rafcaan qaadasho ah.

Al-Shabaab iyo Daacish ayaa si dhuumaaleysi ah uga howlgala qaybo kamid ah gobolka Bari, halkaasoo muddooyinkii ugu dambeeyay ay ku baacsanayeen ciidamadda ammaanka iyo dhigooda saaxiibadda caalamiga ah.

GAROWE ONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM