Al shabaab oo weerar qorsheysan ku qaadey xero ku taal Koonfurta Somaliya
Ugu yaraan 10 Askari ayaa lagu diley weerar qorsheysan oo lagu qaadey saldhig ciidamada ee ku yaal Galbeedka magalaada Muqdishu.
MUQDISHU- Dagaal-yahanada ururka Al shabaab ayaa weerar ku qaadey saldhig ciidmada dowlada Somalia ku leeyihiin Koonfurta Galbeed Muqdishu, kaasoo lagu diley askar ka tirsan ciidamada iyo kooxdaan sidaas waxa u sheegey saxafada afhayeeno ka tirsan labada dhinac.
Weeraryahnadaan ayaa waxaa dagaalkaan ku bilaabey baabuur qarax ka buuxo oo lagu weerarey irida hore ee xeradaan subaxnimadii Isniinta 50 km u jirta magalaada Muqdishu.
" Gaari uu ka buuxo qarax ayaa lagu soo dhuftey irida hore kadib waxaa dagaal yahanada Al shabaab weerar xoog leh ku soo qaadeen xerada laanta buur ee ku taal goob 50 km u jirta magaalada Muqdisho" sidaas waxaa sheegey sarkaal ka tirsan ciidamada Somaliya.
Sarkaalkaan u hadlay ciidamada Somalida ayaa sheegey dhinaca kale kooxda al shabaab oo weerarkaan soo qaadey ka dileen 12 qof.
Afhayeen u hadlay ururka al shabaab ayaa sheegey dhinaciisa in weerarkaan ku dileen 30 ka tirsan askarta Somaliya islamrkaana xerada ka qaateen gawaari kuwa teknikada ah.
Weerarka ayaa imaanaya xilli asbuucaan bilowgiisa al shabaab weerar ku qaadey saldhig Boolis oo ciidamada Kenya ku leeyihiin Degaanka Wajeer.
GAROWEONLINE