Axmed Madoobe oo magacaabay xilal cusub [Akhriso]

Image

KISMAAYO, Soomaaliya - Madaxweynaha Jubbaland, Axmed Madoobe ayaa maanta oo Talaado ah magacaabay Gudoomiyaha Maxkamadda Sare iyo Xeer Ilaaliyaha Guud ee maamulkiisa.

Labo Digreeto oo kasoo baxday Xafiiska Madaxweynaha ayaa lagu shaaciyay magacaabista xilalkan, iyadoo ay noqonayso markii ugu horeysay oo maamulka Jubbaland uu yeesho Xeer Ilaaliye iyo Maxkamadda sare tan iyo aas-aaskiisa 2013.

Axmed Madoobe ayaa Sheekh Cabdishakuur Ibraahim Cabdi u magacaabay Xilka Gudoomiyaha Maxkamadda sare, iyadoo Xeer Ilaaliyaha Guud ee Jubbaland loo magacaabay Maxamed Sheekh Cismaan Saciid.

Magacaabistan ayaa kusoo beegmaysa xilli maalintii shalay Baarlamaanka Jubbaland Xasaanadii ka qaadey Xildhibaan Axmed Cabdi Xasan, kadib markii lagu eedeeyay inuu abaabulayay Mooshin ka dhan ah Xukuumadda Madaxweyne Axmed Madoobe. Halkan ka akhri.

Hogaanka Jubbaland ayaa lagu dhaliilay inuu ku fashilmay in Al Shabaab uu ka saaro gobolladii maamulkaasi oo intiisa badan ay maamusho Al Shabaab, iyadoo ciidamada maamulkaasi ay ka gudbi la'yihiin tan iyo 2012 magaalada Kismaayo.

GAROWE ONLINE

 

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM