Dagaalameyaal Al-Shabaab ah oo weerar gaadmo ah lagu khaarijiyey

Image

NAIROBI, Kenya – Ciidamada Kenya ayaa sheegay in ay dileen shan Al-Shabaab kadib markii xubno ka tirsan argagixisada ay ismaamulka Mandera gaar ahaan meel ku dhow xuduudka ku kadiyeen kolanyo milatari.

Sidda laga soo xigtay goobjoogeyaal, kolanyada oo isaga kala goosheysay wadada Lafey - Alungu – Elwak ayaa la beegsaday aroortii Isniintii.

Warbixin kasoo baxdey booliska ayaa lagu sheegay in hal mas'uul dhanka amniga uu ku naf-waayay falka, laba kale ay dhaawacyo soo gaareen.

Sarkaal sarre oo booliska ka tirsan ayaa wariyey in dhimashada ay korortay, isagoo intaas ku daray in bukaanadda loola caray xarumaha caafimaadka.

"Shan Al-Shabaab ah baan dilnay, tiro kalena waan dhaawacmay intii uu socday dagaalka fool ka foolka ah," ayuu hadalkiisa ku daray sarkaalka.

Kolanyada la beegsaday ayaa kusii jeeday garoon diyaaradeed xilliga la beegsanayey. Dadku waxay sheegeen in xabadu socotay 30 daqiiqo.

Xoogaga hubeysan ee xiriirka la leh Al-Qaacida ayaa bam-gacmeedyo iyo qoryo fudud u adeegsaday weerarka. Xuduudka Soomaaliya iyo Kenya waxaa ku baxdey dhacdooyinkan oo kale, wallow ay jiraan roondooyin.

GAROWE ONLINE

Related Articles

Lafta-Gareen: Waxa kaliya ee aan wax ku nahay waa Cadaaladda 

Madaxweynaha ayaa sheegay in dhacdadii ugu dambeysay — oo ahayd dil loo geystay nin rakaab ahaa kaddib muran ku saabsan laba doollar.

  • Soomaliya

    27-11-2025

  • 05:50PM

AFRICOM oo Duqeymaha Daacish ee Puntland Gaarsiisay Heerii Ugu Sareeyay

Ma jirto illaa iyo hadda warar madax-bannaan oo xaqiijinaya khasaaraha saxda ah ee ka dhashay duqeymaha ugu dambeeyay.

  • Soomaliya

    27-11-2025

  • 05:35AM