MUQDISHO, Soomaaliya - Wafdi uu horkacayo Wasiiru dowlaha Arrimaha Africa ee Boqortooyadda Sacuudiga, Ahmed bin Abdulaziz Kattan ayaa shalay soo gaarey magaaladda Muqdisho.

Madaxweyne Farmaajo ayaa Wasiiru dowlaha ku qaabiley Garoonka diyaaradaha Muqdisho, waxaana ay yeesheen kulan gaaban oo ay ka qeybgaleen Ra'iisul Wasaare ku xigeenka Soomaaliya, Mahdi Maxamed Guuleed iyo xubo kale.

Ahmed bin Abdulaziz Kattan ayaa u gudbiyay Farmaajo Fariin qoraal ah uu uu ka wadey Boqorka Sacuudiga Salman Bin C/Casiis, iyadoo uu ka laabtey isla Garoonka Muqdisho, iyadoo uu diiday inuu u gudbo Villa Somalia.

Villa Somalia ma aysan fahfaahin waxyaabaha ay xambaarsan tahay fariinta boqor Salman ee loo gudbiyay Madaxweynaha Soomaaliya Maxamed Cabdullaahi Farmaajo.

Sacuudiga ayaa hoos u dhigay xiririka dowladda uu hogaamiyo Farmaajo islamarkaana hakiyay dhaqaalihii uu siin jiray kadib markii Villa Somalia ay dhinaca Qatar u janjeertay markii uu billowday Khilaafkii dalalka Khaliijka June 5, 2017.

HALKAN KA DAAWO:

GAROWE ONLINE