Farmaajo oo Safarka Deg Dega ah ku tagaya dalalka Dariska

Image

MUQDISHO, Soomaaliya - Madaxweynaha Soomaaliya Maxamed Cabdullaahi Farmaajo, ayaa la filayaa in maanta uu Safarka Deg Dega ah ku tago dalalka Dariska.

Sarkaal katirsan Xafiiska Madaxweynaha, ayaa u sheegay Warsidaha Garowe Online in Farmaajo uu booqan doono Uganda, Djibouti, iyo Eithiopia, isagoo kulan la qaadan doono dalalkaasi Madaxdooda sare.

Lugta hore ee Safarka Madaxweynaha ayaa ugu ambabaxaya wadanka Uganda, wuxuuna uga sii gudbi doonaa Djibouti, kadibna Eithiopia, hadii aan jadwalka socdaalkiisa wax iska bedelin.

Ujeedka safarkan oo qaadan doono mudo 4 ama 5 maalmood, ayaa ku qotama raadinta taageero Military, ay dowladda Farmaajo ka dalbanayso dalalkan uu booqanayo, si ay u qaado duulaan kama dambays ah, oo Al Shabaab dalka oo dhan looga sifeynayo.

Madaxweyne Farmaajo ayaa lagu wadaa inuu dhawaan ku dhawaaqo Xaalad dagaal, isagoo shalay ka baaqday kulan uu la yeelan lahaa Labada aqal ee Baarlamaanka, oo arintaasi kala hadli lahaa.

Socdaalka Madaxweyne Farmaajo ayaa kusoo beegmaya, iyadoo xalay uu Madaxda dowlad goboleedyada ku casuumay Shir wadatashi ah, oo 28-ka bishan ka dhacaya Muqdisho, kaasi oo looga hadli doono xaaladda amni ee dalka.

GAROWE ONLINE

Related Articles

Soomaaliya : Garaad Jaamac iyo Suldaan Siciid oo Si Kulul u Diidey Shirka Laascaanood

Garaad Jaamac Garaad Cali oo si toos ah ula hadlay shacabka ayaa sheegay in shirka….

  • Soomaliya

    12-07-2025

  • 02:00AM

Madaxweynaha Dowladda Puntland oo Qaabilay Safiirka Ingiriiska ee Soomaaliya

Sidoo kale, Dowladda Ingiriiska ayaa Dowladda Puntland ku wareejisay deeq isugu jirta daawooyin iyo agab caafimaad.

  • Soomaliya

    10-07-2025

  • 02:57PM