Arbaco, Nov 12, 2014 [ GO]- Ciidamada ammaanka maamulka Jubbaland ayaa maanta iyo caawa ka waday magaalada Kismaayo  howlgalo amniga lagu sugayo ayagoo baarayay gaadiidka wadada marayay iyo dadka la socda.

Dad ku dhow 70 qof ayey ciidamada ammaanka soo qabteen kuwaas oo loo dhaadhacshay xabsiyada ciidamada nabad sugida ay ku leeyihiin magalada Kismaayo.

Saraakisha ammanka magalada Kismayo ayaa sheegay in dadka ay xireen lala xiririnayo tuhun ah in falalka ammaanka lidiga ku ah ku lug leeyihiin.

Dhinaca kale ururka Al-shabaab ayaa degaanka Kudhaa weerar kadis ah uu ku qaadey maalmihii la soo dhaafey ku laayey ciidamo ka tirsan maamulka Jubaland iyadoo dhinaca kale weeraro qaraxyo ka fuliyey goobo ka tirsan magaalada Kismayo. 

GAROWEONLINE