Madaafiic ku dhacday nawaaxiga Madaxtooyadda Soomaaliya
-
Wariyaha Muqdisho Garowe Online
- Posted On 23-12-2017, 01:24PM
MUQDISHO, Soomaaliya - Tiro madaafiic ah ayaa maanta duhurkii ku dhacay nawaaxiga xarunt Madaxtooyada Soomaaliya ee magaalada Muqdisho.
Goobjooge ayaa u sheegay Warsidaha Garowe Online in hoobiyaal gaaraya ilaa 3 ay ku dhaceen xaafadaha Caga-dhiig iyo 15-ka May, oo kaabiga ku haya qasriga Villa Soomaaliya.
Wali ma jirto wax khasaaro ah oo la xaqiijiyay oo dadka shacabka ah kasoo gaaraya duqeynta hoobiyaasha ah.
Ciidamo ka tirsan Hay’addaha ammaanka dalka ayaa tagey goobaha la duqeeyay, waxaana ay kasoo qaadeen hoobiyaal aan qarxin.
Lama oga illaa hadda halka laga soo tuuray iyo cida soo tuurtay hoobiyaasha.
GAROWE ONLINE
