Madaxweynaha dowlada Federaalka oo shir isugu yeerey madaxda maamulada Somalia
-
- Posted On 03-07-2017, 12:18AM
MUQDISHO, Somalia- Madaxweynaha dowlada Federaalka Somalia ayaa la filayaa in Bisha July 5, 2017 magalada Muqdishu kulan kula qaato madaxda maamulada Federaalka kasoo lagaga hadli doono arimaha dhismaha ciidamada amniga.
Kulankaan oo noqonaya midkii labaad ay isugu yimadaan madaxda maamulada iyo Federaalka tan iyo intii doorashada Madaxweynahu dhacdey ayaa wararka GO heleyso sheegayaan in qabashadiisu ku timid kadib markii cadaadis kaga yimid Dowlada Farmaajo beesha caalamka.
Wararkaan ayaa sheegaya in beesha caalamka welwel ka muujisay kulan asbuucii lasoo dhaafey magaalada Muqdishu kula yeesheen Ra'isal wasaaraha Somalia xiriirka wada shaqeyneyd ee u dhexeeya maamulada Somalia iyo dowlada Fedraalka ah.
Xubnaha beesha caalamka ay horkacayaan Mareykanka iyo Ingriiska ayaa aad u daneynaya in dowada Federaalka iyo Maamulada hirgaliyaan qorshaha lagu dhisayo ciidamada Federaalka.
Qorshahaan oo lagaga hadlay kulankii lagu qabtey magalada London ayaa diirada saarayey in dowlada Somalia sanadka 2020 la wareegto amaanka wadanka iyadoo la filayo in beesha caalamka joojiso tageerada dhaqaale ee ciidamada AMISOM.
Diplomaasi ku sugan magalada Nairobi oo diidey magaciisa ayaa GO u sheegey in dowlada Madaxweyne Farmaajo weli la imaan qorshe shaqo kaasoo laga arki karo siyaasada amni dhaqaale ee lagu hagi lahaa dalka oo dhan isagoo dhinaca kale xusey in weli ay muuqato marka aad dhageysato khudbadaha madaxda Fedraalka in weli gudo jiro olalihii doorasho ee lasoo dhaafey.
GAROWEONLINE
