Shaqsi Miino ku dhejiyey gaari qarxay oo lagu qabtay Muqdisho

Image

MUQDISHO, Soomaaliya - Ciidamada amaanka Soomaaliya ayaa inta u dhaxeysa isgoysyada Dabka iyo Shaqaalaha ku qabtay ruux Miino ku dhejiyay gaari kahor inta uusan qarxin.

Gaariga ayaa ku qarxay nawaaxiga Shineemo Soomaaliya oo ku dhow dhowr mitir u jirta huteelka caanka ah ee Maka Al Mukarama ee magaaladda caasimada ah.

Ma jirto wax khasaaro ah dhimasho ama dhaawac oo ka dhashay qaraxa marka laga reebo in isla gaariga uu soo gaarey burbur xoogan, wallow aanan wali la ogayn shaqsiga isla leh baabuurka.

Sidda ay warsidaha Garowe Online u sheegeen goobjoogeyaal, shacab arkay ninka in uu Miino ku rakibayo gaariga ayaa ku war-geliyey hay'addaha amaanka oo isla markiiba goobta yimid.

Ninka la tuhunsan yahay oo ay wateen xoogaga dowladda oo su'aallo lagu waydiinayaa xarunta dambi baarista ayaa waxaa la filayaa in maxkamad lasoo taago.

Dhanka kale, laamaha amaanka ayaa waxay isgoyska Bakaaraha waxay ku toogteen ruux dhaawacmay askari ka tirsan Booliska, sidda ay xaqiijiyeen dadka degaanka.

Illo wareedyo ayaa tilmaamaya in qof kale oo looga shakisan yahay in uu Al-Shabaab yahay oo la socday ruuxa la toogtay uu goobta ka baxsaday, laguna raad-joogo.

Illaa iyo haatan Taliska Booliska wax war ah kama uusan soo saarin falalkaan saacadihii lasoo dhaafay ka dhacay magaala madaxda wadanka leh xeebta aduunka ugu dheer.

Talaadadii, weerar Is-miidaamin oo Al-Shabaab ku ekeeyay xarunta degmada Warta Nabadda ayaa lagu khaarijiyey afar ruux xili ay ku dhaawacmeen 9 kale oo uu ku jiro xoghayihii degmadaasi.

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM