MUQDISHO, Soomaaliya - Warar dheeraad ah ayaa kasoo baxaya khasaaraha qarax xoogan oo Arbacadda maanta ah ka dhacay Muqdisho, caasimadda Soomaaliya.

Saraakiisha ammaanka ayaa u sheegay warsidaha Garowe Online in weerarka oo ahaa is-miidaamin uu ka dhacay isgoyska Sayidka ee magaalo madaxda.

Goobta falka laga soo wariyey oo ka akdhow bar-kontarool oo laga ilaaliyo amniga xarumo dowladeed oo muhiim ah ayaa aalaaba ah mid mashquul badan.

"Xiligga uu qaraxu dhacayey waxaa saf ku jiray gaadiid badan oo doonayey in ay gudbaan," ayuu yiri sarkaal ka tirsan bileyska, oo magaciisa ka gaabsaday.

Dhismeyaasha dowladeed ee muhiimka ah ee kontaroolka ku dhow waxaa kamid ah Madaxtooyadda iyo baarlamaanka federaalka ah ee Soomaaliya.

"Inkastoo ay kordhi karto, illaa iyo haatan waxaan xaqiijinay geerida afar qof," ayuu ku daray sarkaalka, xogtiisa ay ku saleysan tahay meydadka meesha lagu arkay.

Al-Shabaab ayaa tan iyo 2011-kii, oo Muqdisho laga saarey, waxay inta badan dusha saarataa dhacdooyinka noocaan ah oo khal-khal geliyay xasiloonida magaalada.

GAROWE ONLINE