Xaaf oo ayiday go'aanka Ahlu sunna iyo murashaxiinta ee doorashada
GAALKACYO, Galmudug – Madaxweyne Axmed Ducaale Geelle [Xaaf] ayaa soo dhaweeyay go'aanka ay Ahlu Sunna iyo murashaxiinta madaxtinimada ka qaateen doorashada Galmudug.
Iyagoo cuskanaya "faragelinta iyo afduubka dowladdu ku sameysay geedi u socodka xulista baarlamaanka," murashaxiinta iyo Ahlu Sunna ayaa qaadacay coddeynta.
Go'aankaan ayaa yimid markii Ahlu Sunna loo diiday codsi ku saabsanaa in ay majaraha u qabato guddiga baarlamaanka labaad ee maamulkaas u saarey doorashadda madaxtooyada.
Dhanka kale, Xaaf ayaa war-saxaafadeed kusoo jeediyeeyay in la joojiyo dhaqdhaqaaqyada doorasho ee ka socda Dhuusamareeb isla markaana la xaliyo culeyska soo kordhay.
Sidda laga soo xigtay warqada Xaaf, "inta badan Xildhibaanada baarlamaanka labaad ee Galmudug waa shaqaale dowladeed, agaasimeyaal iyo ilaalada madaxda qaranka".
Siyaasiyiinta oo ka digay in leyska indhatiro xalinta murankaan ayaa tilmaamay in aan loo baahneyn in Galmudug ay yeelato maamul kala dhantaalan ama aanan mid ahayn.
Geedi u socodka doorashooyinka Galmudug oo bilooyin qaatay ayaa natiijada kasoo baxday lagu sifeeyay "baarlamaan aan loo dhameyn, tabashooyin iyo khilaaf soo cusboonaadey".
Hoos ka akhriso qoraalka Xaaf
GAROWE ONLINE