Siyaasiyiinta Somaliland oo laga mamnuucay la kulanka madaxda DFS

Image

HARGEYSA, Somaliland - Gudoomiyaha Gollaha Wakiiladda Somaliland ayaa shaaca ka qaaday inay dib usoo celinayaan sharci, mamnuucaya in siyaasiyiinta iyo mas'uuliyiinta maamulkaasi inay la kulmaan madaxda dowladda Federaalka Soomaaliya.

Baashe Maxmed Faarax, gudoomiyaha Baarlamaanka Somaliland ayaa sheegay in sharcigan loo qeybiyay Xilldhibaanadda Gollaha, islamarkaana ay kasoo saareen go'aan kama dambeys ah, oo ah inaan lala kulmi karin madaxda dowladda Federaalka.

Isagoo Saxaafadda kula hadlayey magaaladda Hargeysa ayuu sheegay in sidoo kale sharcigaan uu mamnuucayo in siyaasiyiinta reer Somaliland ay ka qeybgalaan shirarka arrimaha Soomaaliya looga hadlayo, oo ay soo qaban-qaabiso Beesha Caalamka.

“Sharciga ayaa ka dhigaya Dambiile iyo Qaran-dumis, siyaasigii reer Somaliland oo la kulma madaxda dowladda Federaalka, ama ka qeybgala kulan looga hadlayo arrimaha Soomaaliya,” ayuu Gudoomiye Faarax raaciyay hadalkiisa raaciyay.

Maamulka Somaliland ayaa sheegay inuu ka go’ay Soomaaliya inteeda kale wixii ka dambeeyay burburkii dowladii dhexe ee dalka, gaar ahaan 18-kii May 1991-dii, balse wali kuma guuleysan inuu helo aqoonsi caalami ah.

Hadalka Baashe Maxmed, ayaa yimid kadib markii Faysal Cali Waraabe uu kula kulmay Madaxweyne Maxamed Cabdullaahi Farmaajo shirkii Brussels, taasoo gil-gishay siyaasadda maamulka Hargeysa. [Halkan ka akhri Warbixinta].

GAROWE ONLINE

Related Articles

Maamulka Somaliland oo Itoobiya kala hadlay muran-xuduudeedka kala dhaxeeya SSC-Khaatumo

Labada dhinac ayaa ka wada hadlay sidii kor loogu qaadi lahaa iskaashiga dhinaca ammaanka.

  • Somaliland

    04-03-2024

  • 02:11PM

Itoobiya oo u dhaqaaqdey fulinta heshiis beenaadkii Somaliland

Talaabadan ayaa waxa ay kusoo aadaysaa xilli Ra'iisul Wasaaraha Itoobiya Abiy Axmed uu ku sugan yahay Kenya halkaas oo uu kawado olole xoogan.

  • Somaliland

    28-02-2024

  • 04:51AM