Farmaajo oo qaabilay safiirada cusub ee Austria iyo Canada

Image
Image
Image

MUQDISHO, Soomaaliya - Madaxweyne Maxamed Cabdullaahi Farmaajo ayaa warqadaha aqoonsiga ka guddoomay Danjireyaasha cusub ee dalalka Austria iyo Canada ee Soomaaliya.

Safiirka Austria, Christian Fellner oo Madaxweynaha la wadaagay farriin iyo salaan uu uga siday dhiggiisa dalkaas Alexander Van der Bellen ayaa tilmaamay dadaalka uu ku bixin doono sare u qaadidda xiriirka labada dal.

Der Bellen ayaa  dowladda iyo shacabka Soomaaliyeed uga mahadceliyey soo dhaweynta diirran, sidda lagu sheegay war-saxaafadeed kasoo baxay Madaxtooyadda.

Sidoo kale, Danjiraha cusub ee dalka Canada Marwo Lisa Stadelbauer oo warqadaheeda aqoonsiga u gudbisay Madaxweynaha ayaa sheegtay sida ay ugu faraxsan tahay in ay ka mid noqoto bahda diblumaasiyiinta ka hawlgala dalkeenna.

Dhankiisa, Farmaajo ayaa danjireyaasha uu warqadaha aqoonsiga ka guddoomay uga warbixiyey sida Soomaaliya ay uga go’an tahay xoojinta xiriirka ku dhisan iskaashiga iyo wax-wada-qabsiga ee kala dhexeeya dalalka caalamka.

Madaxweynaha oo Danjireyaasha cusub ugu hambalyeeyay xilalka loo magacaabay ayaa u sheegay in ay soo dhaweyn wanaagsan kala kulmayaan shacabka Soomaaliyeed.

Aqalka looga arimiyo Soomaaliya ayaa intaasi ku daray in Farmaajo uu u xaqiijiyey safiirada in Dowladda Federaalka ay ku garab istaagayso gudashada waajibaadka diblumaasiyadeed ee loo soo igmaday.

Wadamada Kanada iyo  Austria oo qaabilay qaxooti Soomaaliyeed ayaa waxay kamid yihiin dalalka ka taageera Soomaaliya dhinacyada amniga, dhaqaalaha iyo horumarinta.

Villa Soomaaliya

Related Articles

HSF oo Deeq gaarsiisay Isbitaal ay ku jiraan dadka dhimirka la’

Intaa ka dib, mas’uuliyiinta ayaa booqday qeybaha kala duwan ee ay ku noolyihiin bukaanada dhimirka la’ ee rag iyo Dumar ba leh.

  • War Saxaafaded

    15-03-2024

  • 04:40PM

Ciidamada Soomaaliya oo gaarey goobo ay ka carareen AS

Howlgalkan waxaa si wadajir ah u fuliyay ciidamadda milatariga iyo booliska gaarka ah ee Haramcad.

  • War Saxaafaded

    14-02-2024

  • 04:14AM