Farmaajo oo Uhuru Kenyatta kala hadlay dhismaha Derbiga Xadka
-
Wariyaha Muqdisho Garowe Online
- Posted On 27-03-2018, 12:53AM
MUQDISHO, Soomaaliya - War Saxaafadeed ay soo saartey Wasaaradda Arrimaha Dibadda Xukuumadda Soomaaliya, ayaa lagu sheegay in Madaxweyne Farmaajo uu dhigiisa Kenya, Uhuru Kenyatta kala hadlay arinta derbiga laga dhisayo Xuduuda.
Wadahadalka Farmaajo iyo Uhuru ayaa labo jeer oo kamid ah ku sameeyay khadka Isgaarsiinta 22-kii iyo 24-kii bishan Maarso, iyadoo mida 3aad ay u dhacday qaab fool-ka-fool ah 22-kii Maarso, 2017 markaasi oo Farmaajo booqasho ku tagey Kenya.
Qoraalka ayaa lagu sheegay in labada Madaxweyne ay isku afgarteen in la joojiyo dhismaha derbiga, islamarkaana la sameeyo gudi isku dhaf ah oo ay hogaaminayaan gudoomiyaasha gobollada Gedo iyo Waqooyiga bari ee Kenya.
Hoos ka akhriso War Saxaafadeedka:
GAROWE ONLINE
