Fayruska Corona oo dib-u-dhac ku keenay doorashooyinka Itoobiya
-
WARIYAHA ADDIS ABABA GAROWE ONLINE
- Posted On 31-03-2020, 09:22PM
ADDIS ABABA, Ethiopia – Guddiga doorashooyinka Itoobiya ayaa shaaciyey in aysan qaban karin coddeynta guud ee qorshuhu ahaa in sanadkan ay ka dhacdo dalkaas, sababo ku aadan faafitaanka Covid-19.
War-saxaafadeed kasoo baxay guddiga ayaa Talaadada maanta ah waxaa lagu sheegay in ay dib u dhigeen doorashooyinka.
Dib-u-dhaca ayaa lagu qeexay mid ku meelgaar ah. Doorashooyinka waxaa horey loo muddeeyay in ay dhici doonan 29-ka bisha August, 2020.
"Faafitaanka fayruska oo labadii todobaad ee lasoo dhaafeeyay saameeyay dalka ayaa caqabad ku noqdey shaqooyinka ku geedaaman doorashooyinka," ayaa lagu yiri bayaanka.
Xisbiyada siyaasada oo kaalinta ugu weyn leh ayaa lagu caddeeyay warka qoraalka ah in laga talageliyey go'aanka joojinta doorashooyinka.
"Hay'addaha kale ee dowladda ayaa kaalin latalin lahaa. Dib ayaa laga soo sheegi doonaa waqtiga ay dhaceyso doorashadda," ayaa lagu soo gabagabeeyay war-saxaafadeed kasoo baxay guddiga.
Doorashooyinka guud ee Itoobiya waxaa la rajeynayaa in ay sawir guud ka bixin doonan taageerada uu haysto ra'iisul wasaare Abiy Axmed, kaas oo xafiiska ku yimid isbedel siyaasadeed oo ka hirgalay dalkaas.
GAROWE ONLINE
