Iran oo Daldashay Rag lagu Helay inay u Shaqeynayeen Sirdoonka Israel
-
GAROWE ONLINE
- Posted On 20-04-2026, 07:47AM
TEHRAN – Garsoorka dalka Iraan ayaa shaaciyay in daldalaad lagu fuliyay laba nin oo lagu eedeeyay inay xiriir la lahaayeen hay’adda sirdoonka Israel ee Mossad.
Tallaabadan ayaa imaanaysa xilli ay kordheen xukunnada dilka ah ee ka dhaca dalkaas tan iyo markii uu dilaacay dagaalka kala dhexeeya Israel iyo Mareykanka.
Mareegta rasmiga ah ee Mizan Online ayaa xaqiijiyay in Mohammad Masoom-shahi iyo Hamed Validi lagu fulisay xukunka daldalaadda ah xilli hore oo saaka ah.
Labadan nin ayaa lagu helay dembi ah "Muxaaraba" oo macneheedu yahay dagaal ka dhan ah Ilaah, iyo inay iskaashi la lahaayeen maamulka Sahyuuniyadda iyo kooxo cadaw ah.
Iraan ayaa fulisay dilal aad u badan tan iyo markii uu bilowday dagaalka weyn ee 28-kii Febraayo, in kasta oo uu hadda jiro xabbad-joojin laba toddobaad socotay oo bilaabatay 8-dii Abriil.
Sida ay sheegayaan ururrada xuquuqul laliska ee caalamiga ah, Iraan ayaa weli ah dalka labaad ee caalamka ugu dilka badan ka dib dalka Shiinaha.
