Mareykanka oo looga dhawaaqay xaalad caafimaad oo deg deg ah

NEW YORK, US – Duqa magaalada New York ayaa iclaamiyay xaalad caafimaad oo deg deg ah kadib markii uu dilaacay xanuunnka Jadeecada.

Xaalada digniinta oo quseysa degmada Brooklyn ayaa laga codsaday dadka degaanka in ay qaataan talalaka kahor tagga.

Oxiris Barbot oo xusay 285 kiis oo xanuunkaan ah ay hayaan tan iyo 30 September ayaa shaaciyay in 246 kamid ah ay caruur yihiin.

"Qaar kamid ah dadka uu lasoo darsay xanuunka isbitaal ayaa la dhigay … ma jirto illaa iyo haatan wax dhimasho ah," ayuu raaciyay.

Dadwaynaha ayuu ku tartarsiiyay in ay qaataan talaalka si uusan cudurka u faafin, isla markaana u saameynin dadka kale.

Waa tiradii ugu badneed taarikhda magaalada tan iyo sanadkii 1991-dii, markaasi oo ay intaan ka badneed hal jibaarkeeda.

Xanuunka Jadeecada waa mid kamid ah kuwa ugu halista badan kaasi oo keeni dhibaato caafimaad sida oof-wareenka iyo bararka maskaxda.

GAROWE ONLINE