Muxuusan ninkan u jarin una dhaqin timahiisa muddo 40-sano ah?
-
WARIYAHA ARRIMAHA CAALAMKA
- Posted On 17-07-2019, 10:53AM
NEW DEHLI, India – Nin ku nool gobolka bariga Hindiya ku yaala ee Bihar ayaa kasoo muuqdey warbaahinta isaga oo aanan timahiisa jarin mayrinna muddo 40-sano ah.
Sakal Dev Tuddu, oo 63-sano jir ah, ayaa sidda ka muuqata sawirro laga soo qaadey isaga oo jiifa iyo mar uu taagan yahay waxay timahiisa la siman yihiin joogiisa.
Saxaafada maxaliga ah ayaa waxay kasoo xigatay ninkan, oo quraafaadka ku qaraabta, in uu qiil ka dhiganayo in mudadaasi uusan u jarin qimahiisa inuu ALLE "soo booqday".
Tafaafulowgan ayaa waxa uu sheegay in Ilaahey "uu u sheegay" isaga in uusan jarin dhaqinna timahiisa "ayna ku duugan tahay awoodo dheeraad ah oo u gaar ah".
Dadka degaanka oo isaga u arka "ruux barakeysan" ayaa waxay daawo uga soo raadiyaan lamaaneyaasha aanan caruurta haysan.
Kolka loo geeyo ayaa waxa uu ku dhabiibaa caado dhaqameed aanan waxba ka jirin oo uu isagu ku sameeyo hoygiisa, sidda ay ku warameyso warbaahinta.
"Sharaf bay ii tahay in aan heerkan soo gaarsiiyo timaheyga. Waxaan rajeynayaa in aan sidaan kusii socdo. Dadkeygana waan daaweyn doonaa" ayuu ku mayal adeegay.
GAROWE ONLINE
