Shacabka Ukraine oo kala dooranaya majaajiliste iyo maal-qabeen
-
WARIYAHA ARRIMAHA CAALAMKA GAROWE ONLINE
- Posted On 21-04-2019, 06:44AM
KYIV, Ukraine – Shacabka dalkaan ku yaalla bariga qaaradda yar ee Yurub oo dareerayaan goobaha cod-bixinta 12 saacood kadib ayaa dooranaya madaxwaynaha soo aadan.
Murashaxiinta ayaa kala ah; maal-qabeen Petro Poroshenko, madaxwaynaha waqti ka idlaaday, iyo majaajiliste Volodymyr Zelensky oo ku cusub siyaasada.
Kahor cod-bixinta labadooda waxay kasoo muuqdeen fagaaro, halkaasi oo ay ku doodeen markii ugu horeysay.
Volodymyr, oo madaxwayne ka ah TV caan ka ah wadankaasi, ayaa qarka u saaran in uu ku guuleysto tartanka isaga ku sareeya wareega koowaad.
Maxkamad ayaa diiday in doorashada laga mamnuuco Mr Zelensky kadib cabasho ka timid murashaxiinta kale oo wax is-dabamarin ku eedeeyay.
Guuleystaha oo lagu wadaa in lagu dhawaaqo maanta oo Axad ah ayaa noqon doona madaxweynaha shanta sano ee soo aadan.
Jagadaasi ayaa waxaa ay leedahay awood aan caadi ahayn oo ah in uu maamulayo madaxwayne, siyaasada amniga, gaashaandhiga iyo tan arrimaha dibadda oo guud ahaan wadanka Ukraine ah.
GAROWE ONLINE
