Turkiga iyo Mareykanka oo heshiis ka gaarey howlgalka Suuriya

ANKARA, Turkey – Turkiga ayaa ogolaadey in uu si ku meel gaar ah u hakiyo howlgalkiisa ka dhanka ah Kurdiyiinta Suuriya, una fasaxo in ay ka baxaan xuduudka, madaxweyne ku xigeenka Mareykanka, ayaa yiri kadib safariisa Ankara.

"Mareykanka iyo Turkiga waxay isku afgarteen xabad joojin ka dhaqan-gasha Suuriya," Mike Pence ayaa sidaas ka sheegay kadib shir jaraa'id oo ay wada qabteen Wasiirka Arrimaha Dibadda Mareykanka, Mike Pompeo.

Xabad-joojinta xoogaga uu barataaro Turkiga iyo Kurdiyiinta ayaa dhaqan-geli doonta 120-ka saacadood ee soo aadan, sida laga soo xigtay Pence.

Tani ayaa ka dhigan in ciidanka Kurdiyiinta ay faarujin doonan 20-mile oo xadka Suuriya ah, halkaas oo Turkiga uu ka doonayo "aag nabad-gelyo ah".

Is-afgaradka ayaa baajin doona colaada lagu sifeeyay "midda ku meel gaarka ah". Marka "midda joogtada ah" ay imaan lahayd, Donald Trump wuxuu joojin doonaa cunaqabateyno kale oo ka dhan ah Ankara, Pence ayaa ku sharaxay.

Geedi u socodka bixitaanka maleyshiyaadka Kurdiyiinta ayaa waxaa fududeyn doona Mareykanka, Pence ayaa xusay isaga oo aan tafaasiil dheeri ah bixin.

Sidda uu ka dhawaajiyey Pence, Ankara ayaa balanqaadey in ay joojin doonto howlgalka marka maleyshiyaadka Kurdiyiinta ay si dhameystiran uga hayaamaan sohdinta ku teedsan Turkiga lana sameeyo Aag hubka ka caagan.

Wafdiga Mareykanka ayaa nan ka xishooneyn in ay cod dheer ku sheegay "guulahooda", madaxweyne Donald Trump iyo dhigiisa Turkiga, Recep Tayyip Erdogan ayay ku bogaadiyeen xiriirka fiican ee ka dhaxeeya.

Trump qudhiisa waxa uu soo dhaweeyay xabad-joojinta, isaga oo ku nuux-nuux saday "in jaceyl adag" uu mudan yahay heshiiska wanaagsan ee ay gaareen labadda dowladood ee kawada tirsan gaashaanbuurte NATO.

GAROWE ONLINE