Wafdi ka socda Golaha Ammaanka UN-ka oo kusii jeeda Itoobiya
-
WARIYAHA ADDIS ABABA GAROWE ONLINE
- Posted On 02-10-2019, 02:55PM
ADDIS ABABA, Ethiopia – Xubno ka socda Golaha Ammaanka Qaramada Midoobay ayaa booqanaya Itoobiya iyo Suudaanta Koonfureed dhamaadka bishan October, sidda uu sheegay Jerry Matjila.
Matjila, wakiilka joogtada ah ee Koonfur Afrika u fadhiya UN-ka, ayaa sidoo kale wuxuu yahay madaxweynaha Golahaas oo kamid ah qeybaha ugu muhiimsan Jamciyadda Qurumaha Ka Dhaxeysa.
Wafdiga oo ku hor-maraya Itoobiya iyo xarunta Midowga Afrika ayaa inta u dhaxeysa 23-24 waxay wada hadalo sanadeed la qaadan doonan Guddiga Amniga iyo Nabadda ee ururkaas.
Maalinta xigta, iyadda oo uu wehlinayo safiirka Mareykanka ee UN-ka, Kelly Craft, taasoo xafiiska la wareegtay 12-kii September, waxay u kicitami doonan Juba, socdaal qaadanaya maalin.
"Ajendaha waa mid lasii diyaariyey; kulamo dhowr ahna waa lasii qorsheeyay inta safarkan ay ku jiraan," ayuu Matjila xusay.
Mas'uuliyiinta ayaa la filayaa in ay Addis Ababa ka dhoofaan 26-ka October ayna maalinta xigta ku laabtaan New York.
Inta ay ku guda jiraan socdaalkooda waxay kawada xaajoon doonan arrimo ku aadan Bariga Dhexe, diblumaasiyadda, howlgalada UN-ka ee Afrika, si lamid ah haweenka, amniga, nabadda iyo siyaasada.
GAROWE ONLINE
