Wararkii ugu dambeeyay Khasaaraha Qaraxii ka dhacay Muqdishu

MUQDISHU, Somalia - Warar dheeraad ah iyo fahfaahino cusub, ayaa kasoo baxaya Khasaaraha Qarax gaari oo caawa maqribkii ka dhacay Wadadka Makka Al-Mukarama, ee bartamaha magaalada Caasumada ah ee Muqdishu,.

Qaraxan oo ahaa mid aad u culus ayaa Qaraxan ayaa waxa uu si gaar ah uga dhacay agagaarka Hotel Ambasador oo ku yaalla inta u dhaxeysa Isgoysyada Taleex iyo shaqaalaha, gaar ahaan meel aan sidaas uga fogeyn Isbitaalka Daaru-shifa.

Inta oa xaqiijiyay 6 ruux oo shacab ah ayaa ku geeriyootay, lix kalena way ku dhaawacmeen qaraxa, sida ay xaqiijiyeen Saraakiisha laamana amniga gobolka Banaadir, iyo Shaqaalaha Gaadiidka gurmadka Deg Dega ee Ambalaaska.

Hooyo iyo afar caruur ah oo saarnaa Mooto Bajaaj wadada maraysay ayaa sidoo kale ku dhintay qaraxa, kaasi oo loo adeegsaday Gaari nooca loo yaqaano CARIB-ka, oo ku qarxay mar qura wadada, xilli mashquul badan uu ka jiray.

Goobjoogiyaasha ayaa uu sheegay Warsidaha Garowe Online Qaraxa markii uu dhacay laga maqlay rasaas xooggan Wadada Maka Al-mukarama, taasi oo ay rideen Ciidamada Dowladda oo goobta meel u dhaw ku baarayay Gaadiidka.

Qaraxan ayaa ka dhashay Gaari marayay wadada, waxaana uu burbur xoogan u geystay goobaha Ganacsi ee ku yaalla goobta, oo uu kamid yahay Isbitaalka Daaru-Shifa, oo wadada qarkeeda ku yaalla. Wali ma cadda bartilmaameedka rasmiga ee weerarka caawa ka dhacay Caasumadda.

Bishii July 30-keeda, ugu yaraan 6 qof ayaa ku dhintay qarax gaari oo ka dhacay meel ku dhaw saldhiga Booliska degmada Waaberi, oo ku dhaw Isgoyska Dabka, ee magaalada Muqdishu, kaasi oo ay sheegatay Kooxda Al shabaab.

GAROWEONLINE