​Somaliland: Waran-cadde oo u jawaabay Gaafoow

Image

HARGAYSA- Xukuumadda Somaliland, ayaa jawaab ka bixisay eedo la xiriira  codsi xarun laga bixiyo baasaboorka Soomaaliga oo laga furo Somaliland oo uu madaxa laanta Socdaalka Soomaaliya Gen. Cabdilaahi Gaafow u jeediyey Wasiirka arrimaha gudaha Mudane Cali Waran-cadde. 

Wasiir Waran-cadde oo arrintaasi ka jawaabayay xilli uu la hadlay saxaafadda Hargaysa ayaa sheegay inaysan jirin wax codsi  ah oo ku dalbaday xarun baasaboor, isagoo qoraalka lasoo bandhigay ku sifeeyay mid ay dhoob dhoobeen dad fidinaya dacaayado. 

“Runtii waa mucjisooyinka aynu Somalia ka maqlayno, Gaafowna saraakishii aan xukumi jirey ayuu kamid ahaa, laakiin Madaxweyne Xasan Sheikh, ayaa arrinta dabada ka wada, waana been raqiis ah oo la abuuray, waxaanu leenahay Baasaboor aanku socdaalno oo meel walba ku tagno,”Ayuu yidhi Cali Waran-cadde. 

Deedafaynta wasiirka Arrimaha Gudaha Somaliland, ayaa soo baxday kadib markii uu madaxa laanta Socdaalka Soomaaliya Md Gaafow si gaar ah ugu jeediyey Waran-cadde, isagoo warqad uu saxaafadda u akhriyey ku sheegay in wasiirku dalbanayaan xarun baasaboorrada soomaaliga ah laga bixiyo oo Hargeysa laga furo. 

GAROWEONLINE

Related Articles

Somaliland oo Dalbatay in Soomaaliya Dib Loogu Soo Celiyo Cunaqabateynta Hubka

Somaliland, oo 1991-kii ku dhawaaqday inay kaga go’day Soomaaliya inteeda kale balse aan weli helin aqoonsi caalami ah.

  • Somaliland

    03-08-2025

  • 03:52PM

Somaliland oo sharci darro ku tilmaantay maamulka cusub ee Waqooyi Bari

Wasiirka Warfaafinta, Axmed Yaasiin Sh. Cali Ayaanle, oo warbaahinta la hadlay kadib kulanka, ayaa sheegay in Somaliland...

  • Somaliland

    02-08-2025

  • 01:45PM