Hoggaamiye Ku-meel-gaar ah oo loo magacaabey Maamula Koonfur Galbeed

Muqdisho, Soomaaliya — Ra’iisul Wasaaraha Soomaaliya, Xamsa Cabdi Barre, ayaa soo saaray wareegto uu ku magacaabay hoggaan ku-meel-gaar ah oo maamula maamulka Koonfur Galbeed, iyadoo lagu jiro marxalad kala-guur ah kadib ridistii Lafta-Gareen. 

Sida ku cad qoraalka, Ra’iisul Wasaare Ku-xigeenka labaad, Jibriil Cabdirashiid Xaaji Cabdi, ayaa loo magacaabay inuu noqdo hoggaamiye ku-meel-gaar ah muddo aan la cayimin, ilaa laga dooranayo madaxweyne rasmi ah. 

Wareegtada ayaa sheegtay in xilka loo igmaday uu ka mid yahay dardargelinta hirgelinta doorasho qof iyo cod ah, taas oo qayb ka ah qorshaha federaalka ee dib-u-habaynta nidaamka doorashooyinka dalka. 

Magacaabistan ayaa ku soo beegmeysa xilli warar soo baxaya ay tilmaamayaan in Madaxweynaha Soomaaliya, Xasan Sheekh Maxamuud, la filayo inuu Maanta u safro magaalada Baydhabo, halkaas oo ay ka socdaan dhaqdhaqaaqyo siyaasadeed oo la xiriira mustaqbalka maamulka Koonfur Galbeed. 

Ilo wareedyo ayaa sheegay in safarka Madaxweynaha uu la xiriiro dadaallo lagu dejinayo xaaladda siyaasadeed iyo dardargelinta geeddi-socodka doorashooyinka ee maamulkaasi.

GAROWE ONLINE