Trump oo eryay lataliyihiisii arrimaha amniga ee John Bolton

Caalamka
By WARIYAHA WASHINGTON , GAROWE ONLINE
Qoraal kooban oo uu soo dhigay bartiisa Twitter-ka ayuu madaxweynaha Mareykanka ku sharaxay sababta.

WASHINGTON, US – Madaxweynaha Mareykanka, Donald Trump, ayaa waxa uu ku dhawaaqay in uu xilka ka qaadey lataliyihiisa arrimaha ammaanka, John Bolton.

Qoraal kooban oo uu soo dhigay bartiisa gaarka ah ee Twitter-ka ayuu Trump ku sharaxay sababta ku kaliftay in uu Aqalka Cad dibada uga saaro siyaasigan saameynta leh.

"Waxaan habeenkii hore ku wargeliyay in adeegyadiisii aanan looga baahneyn Aqalka Cad [guriga looga arimiyo dalweynaha Mareykanka]," ayuu yiri Trump.

Mas'uulka cusub ee bedeli doona Bolton ayaa waxaa la filayaa in lasoo magacaabo todobaadka soo aadan, sidda ay xaqiijiyeen illo wareedyo ay soo xigatay warbaahinta.

Mr Trump oo hadalkiisa sii wata ayaa waxa uu intaasi ku daray: "Waxaan si xoogan isugu maandhaafnay arrimo badan oo uu iisoo jeediyay". Ma uusan shaacina arrinta.

Shaacinta madaxweyne Trump ayaa waxay kusoo beegmaysaa iyadda oo warar ay sheegayaan kala qeybsanaan xoogan oo soo kala dhex-gashay wasiirada Trump.

Kala qeybsananata ayaa lagu waramayaa in ay ka dhalatay kulankii uu baajiyey Trump, kaasi oo uu la lahaa hogaamiyeyaasha Taliban, kaasi oo qabsoomi lahaa isbuucan.

GAROWE ONLINE

Warar la xiriira

Wararkii ugu dambeeyey