Deni oo magacaabay taliye ku xigeenka qaybta Booliska gobolka Bari

Puntland
By WARIYAHA BOOSAASO , GAROWE ONLINE
Madaxweynaha Dowladda Puntland Mudane Siciid Cabdullaahi Deni

GAROWE, Puntland - Wareegto kasoo baxday xafiiska madaxweynaha dowlada Puntland ayaa Isniinta maanta ah waxaa lagu magacaabay Taliye ku-xigeenka qaybta Booliska Gobolka Bari.

Cabdikaafi Maxamed Maxamuud Qaal, taliye ku xigeenka cusub, ayaa laga soo wareejiyay Ciidanka Daraawiishta loona wareejiyey Ciidanka Booliska Puntland, sidda ku xusan qoraalka.

Hoos ka akhriso digreetada

Madaxweynaha Puntland Oo Magacaabay Taliye ku-xigeenka Qaybta Booliska Gobolka Bari.

Garoowe: 30, Maarso, 2020: Madaxweynaha Dowladda Puntland Mudane Siciid Cabdullaahi Deni ayaa soo saaray Xeer Madaxweyne Lr.18, March 30, 2020 kuna saabsan wareejin Sarkaal iyo u magacaabid Taliye ku-xigeenka Qaybta Booliska Gobolka Bari.

Madaxweynaha Dowladda Puntland.

Markuu arkay: Dastuurka Dowladda Puntland Qodobkiisa 80-aad.

Markuu tixgeliyey: Dar-dar gelinta Arrimaha Amniga Gobolka Bari.

Wuxuu xeeriyey:

1. Waxaa G/Dhexe Cabdikaafi Maxamed Maxamuud Qaal laga soo wareejiyay Ciidanka Daraawiishta loona wareejiyey Ciidanka Booliska Puntland, isla markaana waxaa loo magacaabay Taliye ku-xigeenka Qaybta Booliska Gobolka Bari.

Xeerkani wuxuu dhaqan gelayaa markuu Madaxweynuhu saxiixo, wuuna saxiixay.

=DHAMMAAD=


GAROWE ONLINE

Wararkii ugu dambeeyey