MUDUG: Puntland oo ciidamo gaysay Garacad [Sawirro]

Image
Image
Image
Image
Image
Image
Image

GALKACYO, Puntland- Cutubyo katirsan ciidamada Badda Puntland ee loo yaqaano PMPF, ayaa la geeyay deegaan xeebeedka Garacad ee gobolka Mudug, kuwaasoo la sheegay inay samayn doonaan howlgallo amni.

Faah faahin kama bixin dowladda iyo taliska ciidankaas, balse warar laga helayo waxay sheegayaan in ujeedka ciidankan loo geeyay Garacad ay tahay sidii ay uga howgali lahaayeen xeebaha.

Sannadkii hore deegaankan ayaa kamid ahaa meelihii ay kasoo dageen mallayshiyaadkii katirsanaa Al Shabaab ee dagaalka la galay ciidamada Puntland.

Qaar kamid ah shacabka deegaanka ayaa ku waramay in qorshahan uu yahay mid kusoo beegmay waqtigii loo baahnaa maadama dagaallo adag ay kasocdaan Koonfurta Soomaaliya islamarkaana laga yaabo in Shabaab ay usoo firxadaan goobaha nabdoon.

Sawirro lagasoo qaaday ciidanka ayaa muujinayo iyagoo ku gaashaman Qoryaha fudud iyo doonyo dheereeya oo la sheegay inay u adeegsan doonaan howlgalka.

Ilaa hadda majirto waxa howlgal ah oo ay ciidanku ka sameeyeen Garacad.

GAROWE ONLINE

Related Articles

Deni: Hay'adaha amniga iyagaa qeybiya mukhaadaraadka

Madaxweynaha Puntland ayaa markii ugu horeysay wuxuu qiray in ciidanka ay ku lug-leeyihiin ka ganacsiga maandooriyaha.

  • Puntland

    08-12-2022

  • 10:54AM

Puntland: Qaabka haweenka looga duusiyey siyaasadda

Balanqaayada ayaan dhalin wax dhaafsiisan in loosoo saaro soo dhaweynta iyo u adeegsigooda xaflado ku dhamaada sacab.

  • Puntland

    06-12-2022

  • 03:06PM