Axmed Madoobe oo magacaabay Guddiga Doorashooyinka Jubbaland

Soomaliya
By Wariyaha Muqdisho , GAROWE ONLINE

KISMAAYO, Soomaaliya - Madaxweynaha Jubbaland, Axmed Madoobe ayaa ku dhawaaqay guddi doorasho oo cusub oo uu yeelanayo maamulkiisa, xilli ay kusoo food leedahay doorashada madaxtinimada oo lagu wado inay dhacdo August 2019.

Qoraal kasoo baxay xafiiska Axmed Madoobe shalay ayaa lagu sheegay in Madaxweynaha markii uu arkay baahida loo qabo in la helo gudi maareeya xuduudaha iyo doorashooyinka Jubbaland, uu sameeyay magacaabida.

Guddigan oo ka kooban 7 xubnood, ayaa waxay kala yihiin:

1 - Xamza Cabdi Barre

2 - Axmed Cumar Maxamed

3 - Zamzam Maclin Faarax

4 - Mursal Siyaad Maxamed

5 - Ibraahim Aadan Ibraahim

6 - Maxamed Cismaan Yuusuf

7 - Axmed Maxamed Yuusuf

Dhismaha Guddigan ayaa kusoo beegamaya xilli dhawaan Axmed Madoobe heshiis kula galay Kismaayo Ra'iisul Wasaare Khayre, kaasi oo lagu soo afjaray khilaafkii Villa Somalia iyo Jubbaland.

Heshiiskan ayaa ku yimid wadahadal mudo billooyin ah soo socday oo uu kasoo shaqeeyay Fahad Yaasiin, Agaasime ku xigeenka NISA, oo kamid ah shaqsiyaadka ugu awoodda badan maamulka Farmaajo.

GAROWE ONLINE