X
FAHFAAHIN:

Macluumaad ku saabsan qofka labaad ee u shaqeeya xafiiska UN-ka ee Soomaaliya ee qaadey Coronavirus. Riix Halkan

Farmaajo oo ku biiray hogaamiyeyaasha ku shirsan Asmara

Soomaliya
By WARIYAHA ASMARA , GAROWE ONLINE

ASMARA, Eritrea - Madaxweyne Maxamed Cabdullaahi Farmaajo iyo wafdi balaaran oo uu hoggaaminayo ayaa maanta oo Isniin ah gaaray magaaladda Asmara, caasimada waddanka Eritrea.

Madaxweyne Isaias Afwerki iyo saraakiil kale oo ka tirsan dowladda Ereteriya ayaa kusoo dhaweeyay garoonka diyaaradaha magalo madaxda dalkaas dhaca Geeska qaarada Afrika.

Abiy Axmed, ra'iisul wasaaraha Itoobiya, ayaa shalay ka degay halkaas, kaasoo habeenimadii xalay ku hoyday Asmara, oo uu ku sifeeyay "magaalo ku wanaagsan soo dhaweynta".

Madaxda ayaa yeelan doonta wadahadallo saddex-geesood ah, oo lagu jeex-jeexi doono arrimo quseeya gobolka iyo danaha gaarka ah oo ay wadagaan, sidda lagu sheegay bayaan.

Kulamo ay madaxdan horey ugu yeesheen Asmara ayay ku heshiiyeen iskaashi ay ka yeeshaan dhinacyadda ammaanka, siyaasadda, dhaqaalaha iyo ganacsiga.

Villa Soomaaliya ayaa qoraal ku tiri "inta ay kulamadani socdaan waxa ay Madaxdu qiimeynayaan miro-dhalka tallaabooyinka la qaaday si loo xaqiijiyo isu furfurnaanta dhanka diblumaasiyadda iyo isu-socodka bulshada Gobolka, mideynta qorsheyaasha lagu wiiqayo argagixisada iyo xal u helista caqabadaha ku xeeran Iskaashiga dalalka Gobolka".

Horaantii bishaan Janaayo, 2020, madaxweyne Farmaajo iyo dhigiisa Eritrea ee Afwerki oo ku kulmay Asmara ayaa isla meel-dhigay xoojinta heshiisyadii hore iyo iskaashiga danaha ka dhaxeeya.

GAROWE ONLINE

Wararkii ugu dambeeyey