Farmaajo oo laga reebay shir lagu saxiixayo heshiiska Eritrea Ethiopian

Image

RIYADH, Saudi Arabia - Boqortooyada Sacuudiga ayaa martigelinaysa saxiixa heshiiska nabadda ee dowladaha Eithiopia iyo Eritrea kadib markii ay soo afjareen bishii July labada dhinac colaaddii u dhaxeysay mudada 20-ka sano.

Munaasabadda oo uu goob-joog ka ahaan doono Boqor Salman Bin Abdulaziz islamarkaana Axadda soo socota ka dhici doona Riyadh ayay Ra'iisul Wasaaraha Eithiopia, Abiy Axmed iyo Madaxweynaha Eritrea Isaisa Afwerki ku saxiixi doonaan heshiiska.

Lama oga sababta dowladda Federalka ah ee Soomaaliya looga reebay ka qeyb-galka munaasabadda saxiixa Heshiiska Eithiopia iyo Eritea, balse waxaa loo maleynayaa inay sabab u tahay xiriirka xun uu u dhaxeeya Sacuudiga iyo Villa Somalia.

Xukuumadda Riyadh ayaanan ku faraxsaneyn mowqifka dowladda Federaalka ee khilaafka Khaliijka, oo ay u argto inay u weecatay dhanka dowladda Qadar, oo ay ku riixayaan shaqsiyaad saaweyn ku leh maamulka Farmaajo.

Sacuudiga oo galaangal ku leh dunida Muslim-ka ayaa hoos u dhigay xiriirkii kala dhaxeeya dowladda Federaalka, sidoo kalena joojiyay taageeradii uu siin jiray, maadaama Xukuumadda Muqdisho aan dhab ka ahayn dhex-dhexaadnimadeedii xiisadda Khaliijka.

Madaxweyne Farmaajo oo labo jeer booqday Sacuudiga tan iyo markii la doortay Febuary, ee 2017, ayaa mudooyinkii dambe safaro ku kala bixiyay Eritrea iyo Eithiopia, oo min labo jeer booqday, isagoo qeyb ka ah hogaamiyaasha heshiiska nabada gobolka ka shaqeynaya.

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM