Farmaajo oo markii ugu horeysay la kulmay Gudoomiyeyaal degmooyin

Image

MUQDISHO, Soomaaliya - Madaxweynaha Soomaaliya Maxamed Cabdullaahi Farmaajo ayaa markii ugu horeysay kulan gaar ah la qaatey gudoomiye-yaasha degmooyinka gobolka Banaadir tan iyo markii la doortay bishii Febuary 2017.

Kulanka oo xalay ka dhacay Aqalka Madaxtooyada Villa Soomaaliya, ayaa waxaa ka qeybgalay Wasiirka Arrimaha Gudaha Cabdi Maxamed Sabriye, gudoomiyaha gobolka Banaadir, Eng Cabdiraxmaan Cumar Cismaan Yariisow iyo ku xigeenadiisa.

Shirka oo aan wali Villa Soomaaliya wax fahfaahin ah ka bixin ayaa wararka hoose ee Garowe Online uu helayo sheegaya in Madaxweyne Farmaajo kala hadlay Gudoomiyeyaasha sidii wax looga qaban lahaa amni xumada Muqdisho iyo cabashada shacabka.

Howlgallada dadka badan ay Ciidamada kusoo qabtaan ee ka dhaca degmooyinka gobolka iyo wadooyinka inta badan laga xiro shacabka ayaa kamid ah sida aan wararka ku helayno qodobada Farmaajo iyo Mas'uuliyiinta uu la kulmay isla soo qaadeen.

Gudoomiye-yaasha 17-ka ah ee ka kooban gobolka Banaadir ayaa lagu dhaliilay wax qabad la'aan iyo fashil dhanka amniga degmooyinka ay maamulaan, iyadoo hadda ay soo foodsaartay cabsi ku aadan in xilalka laga qaado.

Eng Yariisow ayaa tan iyo markii la magacaabay aan sameynin wax xil ka qaadis ah Gudoomiye-yaasha degmooyinka, oo mas'uuliyiintii isaga ka horeeyay looga bartay in hal mar xilka qaadis ku sameeyaan, islamarkaana magacaabaan kuwa ay iyagu wateen.

GAROWE ONLINE

Related Articles

Warbixin: Xiriirka Al-Shabaab iyo Xuutiyiinta oo Sii Xoogeysanaya, Halista Amniga Geeska Afrika 

Madaxweyne Xasan Sheekh Maxamuud ayaa si toos ah ugu eedeeyay kooxda Xuutiyiinta — oo taageero ka hesha Iran.

  • Soomaliya

    28-06-2025

  • 05:38PM

Soomaaliya: Madaxweyne ku-xigeenkii Jubaland oo geeriyoodey

Geeridiisu waxay tahay khasaare weyn oo soo gaaray Jubaland iyo guud ahaan Soomaaliya. Ilaahay ha u naxariisto.

  • Soomaliya

    28-06-2025

  • 04:33PM