Gudiga Doorashada Galmudug oo la shaaciyey xili laga digay ku shubasho

Soomaliya
By WARIYAHA DHUUSAMAREEB , GAROWE ONLINE
Saddex murashax ayaa illaa iyo haatan la og-yahay in ay ku tartamayaan xilka ugu sareeya maamulkan.

DHUUSAMAREEB, Galmudug - Madaxa xukuumadda Galmudug, Sheekh Maxamed Shaakir Cali Xasan, ayaa Isniinta maanta ah magacaabay Guddiga Doorashooyinka xili uu khilaaf jiro.

Magacaabida xubnaha guddiga oo ka kooban 11 ayaa timid markii Wasiirka Arrimaha Gudaha, Cabdi Maxamed Sabriye, uu tegay magaaladda Dhuusamareeb lana kulmay Shaakir.

Ahlu Sunna ayaa horey waxay uga soo horjeesatay Guddiga Farsamada maamul dhisida dowlad goboleedkan, kaasoo ay dhowaan soo saartay xukuumadda federaalka ah.

Murashaxiinta illaa iyo haatan la og-yahay ee u taagan xilka madaxweynaha Galmudug ayaa kala ah; Cabdiraxmaan Odowaa, Kamaal Guutaale iyo Axmed Cabdi Kaariye [Qoor-qoor].

Odowaa iyo Guutaale ayaa ka hor-yimid qaabka ay dowladdu u wado dhismaha Galmudug middeysan xili xisbiyadooda Midowga Nabadda & Horumarka iyo Wadajir ay ka digeen "ku shubasho".

Siyaasiyiinta iyo xisbiyadooda ayaa illaa iyo haatan waxa aysan ka fal-celin Guddiga cusub ee xafiiska Sheekh Shaakir uu magacaabay.

Qoor-qoor, Wasiiru dowlaha Wasaaradda howlaha Guud iyo Guryeynta xukuumadda Khayre, ayaa la rumeysan yahay in uu yahay murashaxa ay gedaal ka riixeyso Villa Soomaaliya.

Ra'iisul Wasaare Xasan Cali Khayre ayaa lagu waramayaa in uu socdaal kale ugu ambabixi doono Dhuusamareeb si uu dhameystiro qorshaha Laanta Fulinta ee maamul goboleedkaas.

QORAALKA MAGACAABIDA

No photo description available.

GAROWE ONLINE

Wararkii ugu dambeeyey