Hogaanka Ahlu Sunna oo "isku dhiibay" Ciidamadda DF Soomaaliya

Image

DHUUSAMAREEB, Galmudug - Hogaanka ururka Ahlu Sunna Waljameeca ayaa lagu waramayaa in uu isku dhiibay Ciidamadda Dowladda Soomaaliya ee ku sugan magaalada caasimada ah ee Dhuusamareeb.

Sheekh Maxamed Shaakir Cali Xasan iyo Macalin Maxamuud ayaa la sheegay in loogu galay gudaha xarunta INJI, oo ah fariisinka ugu weyn ee ururkaas.

Talaabada Shaakir iyo Maxamuud ayaa kusoo aadeysa iyaddoo dagaalo qaraar uu labadii maalmood ee lasoo dhaafay ka socdeen xarunta gobolka Galgaduud.

Inta la xaqiijiyey 20 qof oo labada dhinac ah ayaa ku geeriyootay dagaaladda oo ka kala dhacay Dhuusamareeb iyo saldhiga degmada Guriceel.

Ma cadda talaabada xigta oo laga qaadi doono hogaanka Ahlu Sunna oo la tilmaamay in ay kolkii hore dalbadeen in ay isku dhiibaan Ciidamadda AMISOM.

Wararka ayaa intaas ku daraya in is-dhiibitaanka ay xubnahaan ku qasabtay markii ciidamadooda ay badankooda isu-gacan geliyeen Ciidamadda Dowladda Federaalka ah kadib markii laga awood-roonaadey.

Sikastaba ha ahaatee, tani ayaa soo afjareysa khilaafka Villa Soomaaliya iyo Ahlu Sunna Waljameeca oo ka dhashay doorashadii ka dhacday Dhuusamareeb, taasoo ay ka dhasheen madaxweyneyaal saddex oo is-diidan.

GAROWE ONLINE

Related Articles

Golaha Wasiirada oo ansixiyay heshiiskii soo saarista Shidaalka ee Turkiga

Heshiiska ayaa qoraya in Dowladda Turkiga ay ka caawiso Soomaaliya dhanka wax soo saarka shidaalka.

  • Soomaliya

    27-03-2024

  • 06:12PM

Farmaajo oo dib ugu laabtay Caasimadda Qatar ee Dooxa

Madaxweynihii hore ayaa toddobaadyo ku sugnaa magaalada Muqdisho.

  • Soomaliya

    27-03-2024

  • 12:11PM