​Madaxweyne Farmaajo oo la kulmay Boqor Salman [Sawirro]

Image
Image
Image
Image
Image

JEDDAH, Saudi Arabia - Madaxweynaha Somaaliya, Maxamed Cabdullaahi Farmaajo ayaa maanta Kulan heer sare ah la qaatey Boqorka dalka Sacuudiga Boqor Salman Bin Cabdul-Casiis.

War kooban oo maanta lagu daabacay Bogga Twitter-ka Madaxweynaha, ayaa lagu sheegay in labada dhinac ay kawada hadleen xoojinta xiriirka labada dalka, iyo arrimo kale oo aan la shaacin.

Farmaajo ayaa uga mahadceliyay Salman soo dhaweynta diiran ee uu sameeyay, isagoo rajo wanaagsan ka muujiyay Iskaashi dhinacyada Maalgashiga iyo Amniga oo dhexmara Somalia iyo Sacuudiga.

Booqashada Mudane Farmaajo ee Sacuudiga oo Warsidaha Garowe Online soo qoray 10 Maalmood kahor, ayaa la xiriirto Safaradiisa hore ee uu ku tagey dalkaasi February, iyo May.

Boqorka Sacuudiga ayaa bishii February, xili uu Madaxweyne Farmaajo kula kulmay Riyadh sheegay in Sacuudiga uu siinayo Somaaliya taageero dhaqaale, iyo inuu u dhisayo Garoomo caalami ah iyo wadooyin.

Booqashadan Farmaajo ee Jeddah waxay kusoo aadaysaa xilli dowlad goboleedyada dalka qaarkood ay la safteen Sacuudiga iyo Xulufadiisa, iyadoo Xukuumadda Federaalka ay wali ku adkaysanayso go'aankeedii dhex-dhexaadnimo ee ku aadan Khilaafka Khaliijka.

GAROWEONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM