Qarax labaad oo ka dhacay Muqdisho iyo fahfaahin ku saabsan khasaaraha

Soomaliya
By Wariyaha Muqdisho , GAROWE ONLINE

MUQDISHO, Soomaaliya - Qarax labaad oo loo adeegsaday gaari walxaha qarxa lagu soo xiray, ayaa ka dhacay nawaaxiga Madaxtooyadda Villa Somalia ee magaalada Muqdisho.

Wararka warsidaha Garowe Online uu ka helay Booliska ayaa sheegay in qaraxa labaad uu ka dhacay agagaarka taaladda Daljirka Dahsoon, oo aan sidaasi uga fogeyn meesha uu qaraxii koowaad ka dhacay.

Xaaladda ayaa cakiran, waxaana dhacaysa rasaas culus, oo ay ridayaan ciidamada amniga, waxaana goobaha ay qaraxyadu ka dhaceen tagey gaadiidka gurmdka deg dega, oo dhaawacyada kasoo qaadey.

Illaa hadda waxaa la xaqiijiyay in ugu yaraan 3 qof, iyadoo dhaawaca uu gaaraya in ka badan 15 ruux, oo la sheegay inay saraakiil katirsan dowladda iyo maamul gobolka Banaadir ay ku jiraan.

Labada qarax ayaa dhacay baro koontarool oo laga ilaaliyo Villa Somalia, iyadoo weeraradan ay kusoo beegmayaan xilli madaxa sare ee dowladda ku mashquulsan yihiin khilaafaad u dhaxeeya iyo arrimo siyaasadeed xilli amniga uu dayacan yahay.

Warar ayaa sheegaya in khasaaraha dhimashada uu ka badan yahay 3 qof.

GAROWE ONLINE

Wararkii ugu dambeeyey