Soomaaliya oo lumisay fursad ay ugu soo bixi kartay Koobka Aduunka
-
WARIYAHA ARRIMAHA CAYAARAHA GAROWE ONLINE
- Posted On 10-09-2019, 06:27PM
HARARE, Zimbabwe – Xulkii Soomaaliya ee taariikhda sameeyay ayaa is-reereebka koobka aduunka Qadar 2022-ka waxaa kasoo reebay dhigooda Zimbabwe.
Soomaaliya ayaa lugta koowaad kusoo adkaatay 1-0, taasi oo ka dhigtay guushoodii ugu horeysay oo ay ka helaan isreereebka tartanka kubadda cagta caalamka.
Guuleysteyaasha, oo xul adag lasoo shir-tegay lugta labaad, ayaa waxay kusoo baxeen natiijo dhan 3-1, kadib laba gool oo xili dambe yimid, taasi oo labin lama filaan ah siisey.
Goolka guusha waxaa qaranka martida loo ahaa u dhaliyey ciyaaryahanka Khama Billiat. Tani waxay la macno tahay in labada lugood ay kusoo idlaadeen 3-2.
Cumar Maxamed oo wata lamberka 10aad, waa dhaliyaha goolka qura ee ay Soomaaliya heshay lugta labaad ee kulan ciyaareedkan heerka caalami ah.
Goolasha kale ayaa waxay Zimbabwe uga mahad-celineysaa ciyaartoyda kala ah; Marshal Munetsi iyo Mutizwa, kaasoo laad-xor ah shabaqa ku hubsadey.
Xidigaha Soomaaliya ayaa qeybta koowaad soo bandhigay qaab-difaaceed heer sarre ah, balse bogga labaad waxay muuqdeen kuwa hoos u dhac sameeyay.
Sikastaba ha ahaatee, guuldaran ayaa Soomaaliya uga dhigan fursad muhiim ah oo ay lumiyaan taasi oo ay ugu soo bixi kareen dhacdada ugu weyn kubada cagta.
GAROWE ONLINE
