Dabley afar qof ku dishay xuduudka Soomaaliya iyo Kenya

Shaqsiyaadkan ayaa ahaa shaqaalaha dhismaha iskuul laga dhisayo nawaaxiga xerada DhaDhab.

MUQDISHO, Soomaaliya - Dabley hubeysan oo ku sugan waqooyiga Kenya ayaa toogasho ku dilay afar ka mid ah shaqaalaha dhismaha isbitaal ku yaalla meel u dhow xero qaxooti iyo xuduudka Soomaaliya halkaas oo ay ka jiraan kooxo mintidiin ah, sida ay booliisku sheegeen Sabtidii.

Koox ka kooban 8 qof oo shaqaale ah ayaa Jimcihii nastay markii la weeraray, iyadoo afar toogasho lagu dilay meel u dhow, sarkaal booliis ah oo diiday in magaciisa la sheego sababo la xiriira xasaasiyadda arrintan ayaa u sheegay wakaaladda wararka ee Associated Press.

Afarta qof ee kale ee shaqaalaha ah ayaa baxsaday iyagoo badqaba, sida uu sheegay sarkaalku.

Goobta laga dhisayo isbitaalka ayaa ku dhow xerada qaxootiga ee ugu weyn Kenya ee Dhadhaab, iyo xadka Soomaaliya ay la wadaagto Kenya.

Degmada Garissa ayaa dhowr jeer oo hore waxaa weerar ku qaaday dagaalyahano ka tirsan Al-Shabaab oo ka soo gudbay xuduuda.

Booliska deegaanka ayaa sheegay in weerarkii Jimcaha laga yaabo inay soo abaabuleen koox hubaysan oo uga digay qandaraaslaha inuu ka fogaado aagga, oo ay u arkaan inay yihiin caws.

Waqooyiga Kenya ayaa maalmihii la soo dhaafay waxaa ka dhacayay rabshado sababay dhimashada dhowr qof oo ka dhacay meelo kala duwan.

GAROWE ONLINE