Geelle oo markii 5aad loo doortay madaxweynaha Jabuuti

DJABUUTI, Jabuuti - Madaxweynaha Jamhuuriyadda Jabuuti Ismaaciil Cumar Geelle ayaa markii shanaad ku guuleysatay madaxtinimada wadankaas, sida uu sheegay guddiga doorashooyinka.

Geelle ayaa, sidda laga soo xigtay qoraal kasoo baxay guddiga, wuxuu helay 98.41% oo ah damaan codadkii dadweynaha reer Jabuuti ka dhiibteen doorashadii qabsoontay Jimcadii shalay ahayd.

Muumin Axmed Sheekh, Wasiirka Arrimaha Gudaha Jabuuti, ayaa natiijadda codadka doorashooyinka wuxuu kaga dhawaaqay xarunta ugu weyn ee tirinta codadka ee magaalada Jabuuti.

Madaxweyne Geelle oo hadlay kadib markii shalay uu dhiibtay codkiisa ayaa daaha ka rogay in ay doorashadu ay si nabad ah ku dhacday, isla markaana uu sugayo natiijada kama dambeysta ah.

Madaxweyne Geelle waxaa la tartamay ganacasade Zakariye Ismaaciil Faarax oo 57-jir ah, wuxuuna helay 1.59% tirada guud ee doorashadan, sida ku xusan natiijada codadka la tiriyey.

Wallow mucaaradka qaar qaadaceen doorashadda, Zakariye oo ah shakhsi ku cusub siyaasadda Jabuuti ayaa musharraxnimadiisa baraha bulshada ku shaaciyay bishii Janaayo ee sanadkan 2021-ka.

Ismaaciil Cumar Geelle oo 73-sano jir ah ayaa hogaaminaya Jabuuti tan iyo sanadkii 1999-kii. Musharaxnimadiisa sanadkan ayuu ka dhawaajiyey in ay ku timid rabitaanka shacabka Jabuuti "oo wali u baahan".

GAROWE ONLINE