Hay'adda Sirdoonka ee Itoobiya oo magaca laga bedelayo
-
WARIYAHA ADDIS ABABA GAROWE ONLINE
- Posted On 24-12-2019, 12:52PM
ADDIS ABABA, Ethiopia – Hay'adda Sirdoonka iyo Howlaha Ammaanka ee dalka Itoobiya ayaa si rasmi ah ugu dhawaaqdey qorshe magaceeda loogu bedelayo "Xarunta Mukhaabaraadka Qaranka".
Demelash Gebremichael, agaasimaha guud ee hay'adda, ayaa u sheegay wariyeyaasha, in xeerka lagu bedelayo magaca uu gabagabo yahay sidoo kelana uu saameynayo shaqadda.
Hindise-sharciyeedka dib-u-habeyn loogu sameynayo hay'adda ayaa sidoo kale ka madax-banaaneenaya siyaasadda, qowmiyadaha iyo diimaha, sidda laga soo xigtay Gebremichael.
Sidda uu ka dhawaajiyey Demelash, hay’addu waxay sidoo kale diyaarisay qorshe tobban-sano ah oo ku saabsan bixinta casharo la xiriira sirdoonka oo lagu tababarayo saraakiil cusub.
Dhinaca kale, agaasimaha ayaa sheegay in lasoo gabagabeeyay baaritaan ku saabsan musuqmaasuqa oo lagu sameeyay hay'addo dowladeed kuwaasoo eedeymaha wajahaya.
"Baaritaankeena waxaan ku ogaanay in ay jiraan qulqul maaliyadeed oo sharci darro ah iyo hub," ayuu ku daray.
Tan iyo markii uu xafiiska yimid bishii April ee 2018-kii, ra’iisul wasaare Abiy Axmed ayaa wuxuu ku sameynaayey hay'adaha dowliga ah ee Itoobiya dib-u-habeyn aragtiyo kala duwan laga bixiyey.
GAROWE ONLINE
