Maalqabeen u dhashay waddanka Tanzania oo geeriyooday
-
Abdi Rahman Adani GAROWE ONLINE
- Posted On 08-12-2019, 04:31PM
JOHANNESBURG, Koonfur Afrika – Milyineer caan ka ah dalka Tanzania ayaa ku dhintay Isbitaal ku yaala magaaladda Johannesburg ee Koonfur Afrika.
Sidda ay sheegeen saaxiibadii, Ali Mufuruki, ayaa geeriyooday habeenimadii Sabtida, 7-dii December ee sanadkan 2019.
Mufuruki ayaa ahaa gudoomiyaha Infotech Investment Group iyo aas-aasaha Roundtable of Tanzania and Africa Leadership Initiative East Africa.
Mas'uuliyiinta iyo howlwadeenadda hay'addahaan ayaa tacsi u diray dhamaan qoyska, qaraabadda iyo asxaabtiisa.
Mufuruki ayaa la sheegay in uu xanuunka haleelay isaga oo ku sugan Dar es Salaam, caasimadda Tanzania, isla markaana loola cararay Isbitaal.
Hase ahaatee, markii xaaladdu kasii dartay ayaa lagu waramayaa in galabnimadii Sabtida loo qaadey waddanka Koonfur Afrika.
Ali Mufuruki oo ifka kaga tegay afar caruur ayaa la rumeysan yahay in dhaqaalihiisu gaarayeen aduun lacageed dhan 110-milyan oo Doollar-ka Mareykanka ah.
GAROWE ONLINE
