Maldives: Wasiir loo xiray inuu sixray madaxwayne

Waxaa xusid mudan in dowladda Maldives aysan weli war rasmi ah ka soo saarin xaaladdan.

NAIROBI, Kenya - Wasiir u dhashay Maldives Fathimath Shamnaz Ali Saleem ayaa shaqada laga joojiyay ka dib markii lala xiray labo qof kale oo walaalo yihiin oo lagu eedeeyay inay "sixir" ku sameeyeen madaxweyne Maxamed Muizzu, sida ay sheegtay warbaahinta maxalliga ah.

Saleem waa wasiiru dowlaha deegaanka, isbedelka cimilada iyo tamarta ee Maldives. 23-kii Juun, Shamnaz, iyo labo tuhmane oo kale, ayaa la xiray waxaana lagu sii hayaa xabsiga muddo toddoba maalmood ah.

Sida laga soo xigtay Sun oo fadhigeedu yahay Maldives, Shamnaz, ayaa loo raray liiska shaqsiyaadkii hore ee siyaasadda loo magacaabay, sida ay sheegtay Sun fadhigeedu yahay Maldives.

Waxaa xusid mudan in dowladda Maldives aysan weli war rasmi ah ka soo saarin xaaladdan.

Shamnaz waxa uu horey xubin uga soo noqday Golaha Deegaanka ee Male isaga oo la soo shaqeeyay Madaxweyne Muizzu markii uu ahaa duqa magaalada.

Bishii Abriil 2023, haweeney 62 jir ah oo ku nool Manadhoo ayaa si xun u tooriyeeysay saddex qof oo deris ah kuwaas oo ay eedeeysay inay ku sameeyen sixir, sida uu sheegay mareegaha wararka ee Mihaaru.

Baaritaan dheer ka dib, booliisku waxay sheegeen in aysan helin wax caddaynaya sheegashada ah in dhibbanaha uu ku lug lahaa sixir.

GAROWE ONLINE