Mali: Koox xiriir la leh Al-Qaacida oo sheegatay weerar geeri sababay

Weerarkan ayaa ahaa kii ugu horeeyay ee noociisa ah oo muddo sanado ah lagu qaado magaalada Bamako.

NAIROBI, Kenya - Kooxda xiriirka la leh Al-Qaacida ayaa sheegtay inay ka dambeysay weerar subaxnimadii hore ee saakay ka dhacay magaalada Bamako ee caasimadda dalka Mali.

Rag hubeysan ayaa beegsaday dugsi lagu tababaro ciidamada iyo goobo kale oo magaalada ka tirsan, maamulku waxa uu sheegay in weerarka ay ku eedeeyeen “koox argagixiso ah”.

Kooxda Jihaad doonka ah ee Jamaacada Nusrat al-Islam wal Muslimin (JNIM) ayaa sheegatay mas’uuliyadda, iyagoo sheegay in ay gaarsiiyeen khasaare naf iyo maalba leh.

Weerarkan ayaa ahaa kii ugu horeeyay ee noociisa ah oo muddo sanado ah lagu qaado magaalada Bamako. Talaadadii ka hor, magaaladu waxay si weyn uga fogaatay fallaagada Islaamiyiinta ee ka aloosan Mali in ka badan toban sano.

GAROWE ONLINE