Shaqsi ay qaraabo yihiin Buhari oo laga soo furtay dabley qafaalatay
-
WARIYAHA ARRIMAHA AMAANKA
- Posted On 03-07-2019, 11:39AM
ABUJA, Nigeria – Booliska Nigeria ayaa iska hor-imaad kadib dabley kasoo furtey ruux ay qaraabo yihiin madaxweyne Maxamaduu Buhaari kaasi oo magaaladda waqoyga ku taala ee Kano lagu afduubtey.
Saraakiisha ayaa waxay ku duuleen goob gabaad ah halkaasi oo Muusa Cumar lagu haystay muddo laba bilood ah.
Dhibaneha ayaa waxaa lasoo badbaadiyey isaga oo aysan soo gaarin wax dhaawac ah, sidda ay xaqiijiyeen qoyskiisa.
Wakaaladda wararka ee AFP ayaa ku warameysa in 11 kamid ah kooxda qafaalashada geystay lasoo xiray, lana soo furtey rasaas.
Mr Cumar ayaa waxaa 2-dii bishii May laga watay magaaladda Daura, halkaasi oo uu kasoo jeedo madaxweyne Buhaari.
Laamaha ammaanka ayaa laga soo xigtay in dableyda kahor soo furashadda ay codsadeen 11 milyan oo dollar-ka taasi oo madax furasho ah.
Qafaalashada dadka caanka ah, dalxiiseyaasha iyo shaqsiyaadka hodanka ah ayaa ka ah waddanka qaniga ku ah Shidaalka ee Nigeria. Inkasta oo loo sameeyay ciidamo gaar ah haddana wali waa uu sii socdaa afduubka.
GAROWE ONLINE
